Við viljum þakka Landgræðslunni fyrir þeirra orð í gestabókinni og viljum bara segja á móti að það er sönn ánægja að geta lagt ykkur lið.

Við viljum benda á að þeir sem sem skrá sig fá staðfestingarpóst en sá póstur vill oft lenda í ruslpóstsíum svo endilega athugið í þeim áður en þið byðjið um hjálp.

Þýðingin á Joomla 1.5

Jæja admin þýðingin fer að klárast bráðum en ég tók mér smá frí frá þýðingum áður en ég fer í síðasta hlutann á því. Ég þarf líklega einhverja gagnrýnendur eða beta testers áður en ég gef þetta svo út þannig að það væri ágætt ef þið hafið áhuga á að ganga í það að láta mig vita. Installerinn verður líka tekinn og lagfæring á framhlutanum einnig áður en við gefum út nokkurskonar final útgáfu.

Viðbætur fyrir Joomla 1.5

Ég ætla mér svo að taka helstu viðbætur Joomla 1.5 og þýða þær en þær sem ég hafði í huga eru JoomlaPack, JCE editor, sh404SEF og eXtplorer sem eru allar Editors pick viðbætur joomla.org og það eru viðbætur sem við mælum með hérna á Joomla-Íslandi.

Stuðningur

Ef þú hefur þýtt einhverja viðbót fyrir síðuna þína þá máttu endilega senda hana inn til okkar svo við getum deilt henni með öðrum.

Kveðja RadoX (Magnús Guðlaugsson) 

Niðurhalskerfið komið upp

Jæja þá er niðurhalskerfið komið upp og full þýtt, ég mun bæta við skrám í það næstu helgi því ég hef ekki tíma í vikunni til að gera það en aðal skráin er þarna komin.

Niðurhalskerfið sem við notum heitir Remository og er frítt og ég mun láta þýðinguna á því í niðurhalskerfið næstu helgi.

Þýðingar uppfærsla 1.5.6.1 komin

Þessi útgáfa er bara með smá breitingu varðandi síðu númerin þetta Fyrsta - Fyrri - Næsta - Síðasta sem var áður beinþýtt og ekki alveg nógu gott.

Þýðingin á admin kerfinu gengur ágætlega og ég hef fengið smá liðstyrk með mér í það sem ætti að flýta fyrir og einnig er byrjað að þýða installerinn þannig að við verðum þá kominn með al-íslenskt Joomla kerfi á næstunni ef allt gengur vel. Eftir það ætti að koma stór lagfæring á síðu hlutanum líka til að samsvara þýðingum úr admin kerfinu. 

Nýjustu þýðinguna 1.5.6.1 er nú hægt að nálgast í Niðurhal hlutanum á síðunni okkar.

Joomla fréttir

Joomla hefur núna sett á laggirnar teimi sem þeir kalla Joomla Security Strike Team (JSST) og er ætlun þeirra að finna og útríma öryggisgalla og gera Joomla öruggara kerfi. Held að allir fagni þessu því ekkert er leiðinlegra en að einhver óviðkomandi fari að krukka í síðunni manns. Joomla.org hefur einnig verið tekið í andlitsliftingu, aðalsíðan er kláruð en aðrar síður verða teknar á svipaðan hátt með tímanum.

Joomla-íslands fréttir

Ég hef verið að vinna við þýðinguna á admin svæðinu og það gengur ágætlega en ég bíst samt ekki við útgáfu á næstunni því þetta tekur langan tíma að gera þetta þótt ég hafi fengið stóra hjálp frá Arnari. Næstu viku ætla ég að einbeita mér að því að klára niðurhalskerfið og vonandi að koma því upp næstu helgi áður en ég held áfram með admin hlutann.

kv.RadoX